እንቋዕ ብድሓን መጻእኩም!

ውልቃዊ ይኹኑ ዝምድናዊ ወይ ውን ስድራቤታዊ ብድሆታት ናብራ ሓንሳብ ሓንሳብ ልዕሊ ዓቕምኻ ክኾኑኻን ከሐልሉኻን ርዱእ ኢዩ። እዞም ቃልስታት ኣትሓሳስባኻን ርድኢትካን ቀይሮም ናብራኻ ጸልዮም ኩነታትካ መፍትሒ ኣልቦ ከምስልዎ እውን ይኽእሉ ኢዮም። ይኹን እንበር ሕሉፍካ ንመጻኢኻ ክድርቶ የብሉን። ነዚ ኣሉታዊ ናይ ኣትሓሳስባ ሰንሰለት በንጢስካ ታሪኽኻ ከምብሓድሽ ክትጽሕፍ ትኽእል ኢኻ። እቲ ምርጫን ውሳኔን ኣብ ኢድካ ኢዩ ዘሎ።

እንቋዕ ብድሓን መጻእኩም!

ውልቃዊ ይኹኑ ዝምድናዊ ወይ ውን ስድራቤታዊ ብድሆታት ናብራ፣ ሓንሳብ ሓንሳብ ልዕሊ ዓቕምኻ ክኾኑኻን ከሐልሉኻን ርዱእ ኢዩ። እዞም ቃልስታት ንኣትሓሳስባኻን ንርድኢታትካን ቀይሮም ናብራኻ ጸልዮም ኩነታትካ መፍትሒ ኣልቦ ከምስልዎ ይኽእሉ ኢዮም። ይኹን እንበር ሕሉፍካ ንመጻኢኻ ክድርቶ የብሉን። ነዚ ኣሉታዊ ናይ ኣትሓሳስባ ሰንሰለት በንጢስካ፣ ታሪኽካ ከም ብሓድሽ ክትጽሕፍ ትኽእል ኢኻ። እቲ ምርጫን ውሳኔን ኣብ ኢድካ ኢዩ ዘሎ።

ንዓና ምስ እትመርጹ. . .

ምኩራት ሰብ ሞያ

ገለ ካብቶም ናይ ኣእምሮ ሕማማት ምስ ምኩራት ሞያውያን ብምትሕብባር ክትፈትሕዎም እትኽእሉ ጭንቀት/ቅዛነት (Depression)፣ምርባጽ/ ቀጥዒ ኣልቦ ፍርሒ (Anxiety )፣ ሕሉፍ በሰላ፣ውጥረት ዝመልኦ-ምግዳድ (OCD)፣ክቱር ራዕዲ (panic)፣ፍርሒ (phobia)፣ ምጽንቃቕ ሓይሊ (burnout)።

ንዓኹም ብዝምችእ ግዜ

ሓደ ካብቲ ዓበይቲ ብልጫታትና ንዓኹም ብዝምችእ ግዜ መደባት ክንሰርዕ ምኽኣልና ኢዩ። መታን ንስኻትኩም ኩሉ ኣተኩሮኹም ኣብቲ ኣገዳሲ ጉዳይ ማለት ጉዳይ ጥዕናኩም ንኽትገብሩ።

ኣተባባዒ ሃዋህው

ኣገዳስነት ናይ ሓደ ህዱእን ሓንጎፋይ ኢሉ ዝቕበል ሃዋህው፣ ኣብ ናይ ሕውየት መስርሕ መዳርግቲ ከም ዘይብሉ ኣሚና፣ ብዕቱብ ካብ እንሰርሓሎም ረቛሒታት ኢዮ እሞ መጺኹም ተኻፈልቱ ኹኑ።

ኩልንትናዊ ኣጠማምታ

ከም ምሉእ ሰብ መጠን ስምዒታዊ፡ ኣካላዊ፡ ኣእምሮኣዊ፡ ማሕበራውን መንፈሳውን ጎድናታትኩም ኩሎም ዝተኣሳሰሩ እዮም። ነባሪ ለውጢ ዝፍጠር ድማ ኩልንትናዊ ደገፍ ክትረኽቡ ከለኹም እዩ።

ብዛዕባና

ብሞያውያን ዝውሃብ ምኽሪ ንኣድማዒ ውጽኢት!

ኣብ ኑዌላ ስድራቤታዊ ምኽርን ስልጠናን ማእከል ብዝተኻእለና መጠን ንሓደ ውልቀ ሰብ ከምዘለዎ ተቐቢልና ሓሳባቱን ስምዒታቱን ተረዲእና ነቲ ክበጽሖ ዝደሊ ዕላማ ኣጽኒዕና ዘድልዮ መሳርሒታት ኣብ ምድላይን ኣብ ምስናቕን ብሓንሳብ ንምቅላስ ድሉዋት ኢና።

ዕላማና ብኽኢላታት ዝውሃብ ምኽሪ ተጠቒምካ ንውልቃውን ዝምድናውን ርክባትኩም ንምድንፋዕን ንምብልጻግን ኢዩ።

ኣብ ጎንኹም ኣለና!

ጭንቀት ንሓሳባትካ ጨውዩ ትርግታ ልብኻ ብዘይ ምኽንያት ከጋልቦ እንከሎ …

ጸቕጢ ከም ህዱእ ማዕበል ትኣኪቡ ክትቆጻጸሮ ኣብ ዘይትኽእለሉ ግዜ ክትበጽሕ ከለኻ…

ሓይልኻ ተጸንቂቑ ባህግታትካ ጠፊኡ ዘዕረፍካ እንተ ኣዕረፍካ ምእካል ክኣብየካ እንከሎ…

በዚ መጺኡ ዘይብሃል ክቱር ራዕዲ ንኣካላትካ ኣብ ሓደጋ ከምዘሎ ከእምኖ እንከሎ….

ዝተፈላለዩ ፍርሕታት ንዓለምካ ጨፍሊቖም ምርጫታትካ ክድርትዎ እንከልዉ……

ገደድቲ ሓሳባት ኣእምሮኻን ተግባርካን መሊኾም ውሕስነት ኣብ ተደጋጋሚ ዝፍጸሙ ስርዓታት ጥራይ ከምዝሎ ከእምኑኻ እንከለዉ…

ሕሉፋት ፍጻሜታት ከም በሰላ ኣብ ኣእምሮኻ ተለጢፎም- ዋላ እኳ ነዊሕ እንተገበሩ ለይትን ምዓልትን እንዳ ተመላለሱ ድቃስ ክኽልኡኻ ከለዉ…

ቅዛነ/ ጭንቀት ንሓጐስካ ኣማህሚኑ ከም ናይ ርሑቕ ተዘክሮ ከምስሎ እንከሎ…

0 +

ዕጉባት ዓማዊል

0 +

ዓመታት ተመኩሮ

0 +

ዝተመኸሩ ወለዲ

0 +

ዝተመኸሩ ውልቀ ሰባት

ገለ ካብእንህቦም ኣገልግሎታት

ምኽሪ ንውልቀ ሰባት

እዚ መደብ ውልቃዊ ሓሳባትካን ስምዒታትካ ብምምርማርን ብምርዳእን ውሑስ ሃዋህው ብምፍጣር ንብድሆታት ሂወት ንምምካትን ኣእምራውን ስምዒታውን ጥዕና ኣብ ምህናጽ ክሕግዘካ ይኽእል።

ምኽሪ ንስድራቤት

ዝዓበኻሉ ባህልን ልምድታትን ምስ ሓደሽቲ ትጽቢታትን ሕግታትን ክጋጨዉ ከለዉ፡ ወጥሪ ክልዓል ልሙድ ኢዩ። ነዚ ንምውጋድ ድማ እዚ መደብ ኣብ ውሽጢ እታ ስድራቤት ዘሎ ናይ ዝርርብ ብቕዓት ብምምሕያሽ ካብ ሕሉፍን ህሉውን ሓናፊጽካ ንጹርን ብሩህን መጻኢ ኣብ ምምስራት ጥበብ ኣብ ምፍጣር ይሕግዘኩም።

ምኽሪ ንሰብሓዳር

ሓደ ቛንቋ እንዳ ተዛረብካ ምርድዳእ ትስእነሉ ግዜ ኣሎ ኣብ ሓዳር። እንዳ ተፋቐርካ ምጽውዋር ትስእነሉ እዋን ውን ውሑድ ኣይኮነን። ሕልምኻ፣ ራኢኻ፣ ዓቕልኻ ተጸንቂቑ ሰላምን ስኒትን ቤትካን ኣብ ዘይተላልየሉ እዋን ክትበጽሕ ትኽእል ኢኻ። ንባዕለይን ንኩነታተይን ክቕይሮምን ክምለኮምን እደሊ ኢየ ኣብ እትብለሉ እዋን እዚ መደብ ምርኩስ ክኾነካ ይኽእል ኢዩ።

ምኽሪ ብዛዕባ ቤ/ጽ ማሕበራዊ ኣገልግሎት

ከም ሰራሕተኛታት ናይ ቤ/ጽ ማሕበራዊ ጉዳያት መጠን ካብ ትዕዝብትናን ተመኩሮናን ተበጊስና ኣብ መንጎ ሓደሽቲ መጻእትን እዚ ቤት ጽሕፈት ዘሎ ጋግ ንምጽባብ ዓሊምና ንሰርሕ። እዛ ትካልና ናይ ቋንቋ ይኹን ናይ ርድኢት ወይውን ናይ ድሕሪ ባይታ ፍልልያት ብምጽናዕ ስድራቤት እትጥርነፈሉን እትማሙቕሉን መንገዲታት ኣብ ምንዳይ ብሓባር ምሳኹም ክትቃለስ ኢያ።

ርኽቡና

ነጻ ናይ 10 ደቒቕ ምኽሪ ንህብ!

ኣገልግሎታትና

ምኽሪ ንውልቀ ሰባት

ምኽሪ ንስድራቤት

ምኽሪ ንሰብሓዳር

ምኽሪ ብዛዕባ ቤ/ጽ ማሕበራዊ ኣገልግሎት

Designation

ኣብ ህይወት ንዝገጥሙኹም ብድሆታት ንምፍታሕን ውልቃውን ዝምድናውን ርክባትኩም ንምዕባይን ሞያዊ ምኽርን ስልጠናታት ንህብ። ሂወትካ ምምላኽን ምቕያርን ኣብ ምርጫኻ ይምርኮስ።